ياپونىيە دېھقانچىلىق، ئورمانچىلىق ۋە بېلىقچىلىق مىنىستىرلىكى 4-نويابىر كۈنى ئىباراكى ۋە ئوكاياما ناھىيىلىرىدىكى توخۇ فېرمىلىرىدا يۇقىرى دەرىجىدە كېسەللىك قوزغىتىدىغان قۇش زۇكىمى تارقالغاندىن كېيىن، 1 مىليون 500 مىڭدىن ئارتۇق توخۇنىڭ ئۆلتۈرۈلىدىغانلىقىنى جەزملەشتۈردى.
خەۋەرلەرگە قارىغاندا، ئىباراكى ناھىيەسىدىكى بىر توخۇ فېرمىسى چارشەنبە كۈنى ئۆلگەن توخۇ سانىنىڭ كۆپىيىشىنى دوكلات قىلغان ۋە پەيشەنبە كۈنى ئۆلگەن توخۇلارنىڭ يۇقىرى كېسەللىك قوزغىتىدىغان قۇش زۇكامى ۋىرۇسى بىلەن يۇقۇملانغانلىقىنى جەزملەشتۈرگەن. فېرمىدىكى تەخمىنەن 1 مىليون 40 مىڭ توخۇنى ئۆلتۈرۈش باشلانغان.
پەيشەنبە كۈنى ئوكاياما ناھىيىسىدىكى بىر توخۇ فېرمىسىدىمۇ يۇقىرى كېسەللىك قوزغىتىدىغان قۇش زۇكامى ۋىرۇسى بايقالغان بولۇپ، تەخمىنەن 510 مىڭ توخۇ ئۆلتۈرۈلىدىكەن.
ئۆكتەبىرنىڭ ئاخىرىدا، ئوكاياما ناھىيەسىدىكى يەنە بىر توخۇ فېرمىسى قۇش زۇكىمى بىلەن يۇقۇملانغان بولۇپ، بۇ بۇ پەسىلدە ياپونىيىدە يۈز بەرگەن تۇنجى قېتىملىق قۇش زۇكىمى يۇقۇمى.
NHK نىڭ خەۋىرىگە قارىغاندا، ئۆكتەبىرنىڭ ئاخىرىدىن بۇيان ئوكاياما، ھوككايدو ۋە كاگاۋا ناھىيەلىرىدە تەخمىنەن 1 مىليون 890 مىڭ توخۇ ئۆلتۈرۈلگەن. ياپونىيە دېھقانچىلىق، ئورمانچىلىق ۋە بېلىقچىلىق مىنىستىرلىكى يۇقۇملىنىش يولىنى تەكشۈرۈش ئۈچۈن ئېپىدېمىئولوگىيەلىك تەكشۈرۈش گۇرۇپپىسى ئەۋەتىدىغانلىقىنى بىلدۈردى.
ئېلان قىلىنغان ۋاقىت: 2022-يىلى 11-ئاينىڭ 10-كۈنى
